రావణాసుర సెట్‌లో అడుగు పెట్టిన మాస్ మహారాజ ఎంతో ఎగ్జ‌యిటింగ్ గా ఉందంటూ పోస్ట్‌

Ravi Teja Joins Shoot Of Ravanasura: రామారావు ఆన్ డ్యూటీ షూటింగ్ ముగించేసుకుని నేటి నుండి `రావ‌ణాసుర` సెట్లో అడుగుపెట్టాడు ర‌వితేజ‌. స్వామిరారా త‌ర్వాత కేశ‌వ‌, దోచెయ్‌, ర‌ణ‌రంగం లాంటి ప్లాఫు చిత్రాల‌ను తెరకెక్కించిన సుధీర్ వర్మ ద‌ర్శ‌క‌త్వంలో ఈ సినిమా రూపొందుతోంది. రవితేజ ఈ చిత్రంలో న్యాయవాదిగా కనిపించబోతోన్నారు. రామ్ పాత్రలో సుశాంత్ నటిస్తున్నారు.

ఫస్ట్ డే.. రావణాసుర.. ఎంతో ఎగ్జైటింగ్‌గా ఉంది.. అంటూ రవితేజ తన సోషల్ మీడియా ఖాతాలో పోస్ట్ చేశారు. దీంతో పాటు యూనిట్‌తో దిగిన ఫోటోను కూడా షేర్ చేశారు.

ఈ చిత్రంలో అను ఇమాన్యుయేల్, మేఘా ఆకాష్, ఫరియా అబ్దుల్లా, దక్ష నగార్కర్, పూజిత పొన్నాడ మొత్తం ఐదుగురు హీరోయిన్లు న‌టిస్తున్నార‌ట‌. అభిషేక్ పిక్చర్స్, ఆర్‌టీ టీం వర్క్స్ బ్యానర్లపై అభిషేక్ నామా ఈ చిత్రాన్ని నిర్మిస్తున్నారు.