Tuesday, November 29, 2022
Homeఇండస్ట్రీ న్యూస్ఉప్పెన బ్యూటీ కృతిశెట్టి నెక్ట్స్ ప్రాజెక్ట్ అప్డేట్స్‌..

ఉప్పెన బ్యూటీ కృతిశెట్టి నెక్ట్స్ ప్రాజెక్ట్ అప్డేట్స్‌..

ఉప్పెన సినిమాతో యూత్‌లో భారీ ఫ్యాన్స్ ఫాలోయింగ్ సంపాదించుకుంది అందాల భామ కృతిశెట్టి, ఫాలోయింగ్ తో పాటు వ‌రుస అవ‌కాశాల‌ను అందుకుంది. ప్ర‌స్తుతం టాలీవుడ్‌లో నాలుగు క్రేజీ ప్రాజెక్ట్స్‌తో బిజీగా ఉంది కృతిశెట్టి. ఆమె పుట్టిన‌రోజు సెప్టెంబ‌రు21. ఈ సంద‌ర్భంగా ఆమెకు సంబందించిన అప్డేట్స్ ఇచ్చారు మేకర్స్.

(1). ‘శ్యామ్ సింగ రాయ్’

నాని జోడీగా కృతి శెట్టి నటిస్తున్న ‘శ్యామ్ సింగ రాయ్’ సినిమా నుంచి స్పెషల్ పోస్టర్ ను వదిలారు. విభిన్నమైన కథాకథనాలతో రూపొందిన ఈ సినిమాకి, రాహుల్ సాంకృత్యన్ దర్శకత్వం వహించాడు. చిత్రీకరణను పూర్తిచేసుకున్న ఈ సినిమా, సరైన విడుదల తేదీ కోసం ఎదురుచూస్తోంది. దీపావళికి ఈ సినిమాను విడుదల చేయాలనే ఆలోచనలో దర్శక నిర్మాతలు ఉన్నారు.

(2). #RAPO19


రామ్ పోతినేని హీరోగా లింగుస్వామి దర్శకత్వంలో ఓ సినిమా రానున్న సంగతి తెలిసిందే. రామ్‌కి ఇది 19వ చిత్రం. ఈ సినిమాలో రామ్ స‌ర‌స‌న కృతిశెట్టి హీరోయిన్‌గా న‌టిస్తుంది.
తెలుగు మరియు తమిళంలో తెరకెక్కుతున్న ఈ సినిమాని చిట్టూరి శ్రీ‌నివాస్ నిర్మిస్తున్నారు.
అయితే తాజాగా ఈ సినిమా నుంచి కృతిశెట్టి ఫస్ట్ లుక్ ను విడుదల చేశారు. పోస్టర్ లో ఈ బ్యూటీ చాలా క్యూట్ గా కనిపిస్తోంది. ఇటీవలే ప్రారంభించిన ఈ సినిమా షూటింగ్ చాలా వేగంగా కొనసాగుతోంది.

(3). ఆ అమ్మాయి గురించి మీకు చెప్పాలి’

ఇక కృతి శెట్టి నటిస్తున్న మరో సినిమా ‘ఆ అమ్మాయి గురించి మీకు చెప్పాలి’.. ఇటీవలే శ్రీదేవి సోడా సెంటర్ తో వచ్చిన సుధీర్ బాబు ఈ సినిమాలో హీరోగా నటిస్తున్నాడు. రొమాంటిక్ డ్రామాగా తెర‌కెక్కుతోన్న ఈ చిత్రానికి మోహ‌నకృష్ణ ఇంద్రగంటి ద‌ర్శకుడు. నేడు కృతి శెట్టి పుట్టినరోజు సందర్బంగా చిత్రయూనిట్ బర్త్ డే విషెస్ తెలియజేసింది.

(4). మాచర్ల నియోజకవర్గం

ప్రస్తుతం మాస్ట్రోతో మంచి హిట్ కొట్టిన యూత్ స్టార్ నితిన్ తోను కృతిశెట్టి ఓ సినిమా చేయనుంది. ‘మాచర్ల నియోజకవర్గం’ అనే టైటిల్ తో ఇటీవలే పూజ కార్యక్రమాలు కూడా జరిగాయి. ప్రస్తుతం స్క్రిప్టు పనులను చేసుకుంటున్న చిత్రబృందం త్వరలోనే సెట్స్‌పైకి వెళ్లనుంది. ఎంఎస్‌ రాజశేఖర్‌ రెడ్డి దర్శకత్వం వహిస్తుండగా.. ఈ చిత్రాన్ని నితిన్ స్వంత నిర్మాణ సంస్థ శ్రేష్ట్ మూవీస్ బ్యానర్‌లో సుధాకర్‌ రెడ్డి, నిఖితా రెడ్డి సంయుక్తంగా నిర్మిస్తున్నారు.

RELATED ARTICLES

Most Popular

Recent Comments

error: Content is protected !!